Natur yn ysbrydoli

Y sialens

Y sialens yw ysgrifennu erthygl mil o eiriau ar bwnc amserol sy’n berthnasol i natur neu’r amgylchedd yng Nghymru ac sydd yn eich ysbrydoli chi. Fe ellir cyflwyno erthyglau yn Gymraeg neu yn Saesneg, ac fe fyddant yn cael eu beirniadu gan banel a fydd yn edrych am y canlynol:

• Gwreiddioldeb cynnwys
• Defnydd o iaith glir (Cymraeg neu Saesneg)  
• Cyflwyno dadl mewn dull cytbwys
• I ba raddau y mae’r erthygl yn ymgysylltu â’r darllenydd ac yn cipio’r dychymyg

Wrth ysgrifennu’r erthygl, fe ddylai’r ymgeiswyr fod yn targedu cynulleidfa sydd â diddordeb mewn bywyd gwyllt a’r amgylchedd ond nad ydynt o anghenraid yn arbenigwyr. Croesewir  lluniau priodol, ond nid ydynt o anghenraid yn hanfodol.

 

Y wobr

Fe fydd yr enillydd yn cael gwobr o £500 wedi ei rhoi a’i chyflwyno gan y WWF, yn ogystal â rhywbeth nodedig i’w roi ar y CV!

Fe fydd y pedwar nesaf at y gorau yn cael tanysgrifiad blwyddyn i Natur Cymru ar eu cyfer eu hunain neu rywun yr hoffent eu henwebu.

 

Cymhwyster ac ymgeisio

Bwriad y gystadleuaeth yw ysgogi dadl ac annog cyfraniadau oddi wrth fyfyrwyr mewn prifysgolion yng Nghymru. Mae wedi ei hanelu’n bennaf at y rhai sy’n astudio pynciau amgylcheddol, ond mae’n agored i bob myfyriwr, waeth pa bwnc y bo’n astudio.

Mae’r gystadleuaeth ar agor i bob un o fyfyrwyr 2008 / 2009 o brifysgolion yng Nghymru, boent yn ddi-radd neu’n raddedig. Mae’r erthyglau, ynghyd â darluniau, i’w cyflwyno i info@naturcymru.org.uk erbyn 12 Ionawr 2009.

Yn ogystal, fe ddylech nodi eich manylion cyswllt llawn, gan gynnwys enw a phennaeth yr adran yr ydych yn astudio ynddi.

Fe fydd e-bost yn cael ei anfon o fewn wythnos i gydnabod pob ymgais. Os na fyddwch yn derbyn e-bost o’r fath, fe ddylech gysylltu â Huw Jenkins ar 01766 541062.

 

Canlyniadau

Fe enwir yr erthygl fuddugol a’i chyhoeddi’n ddwyieithog yn rhifyn y Gwanwyn o Natur Cymru.

Fe gytunir ar ddyddiad a lleoliad ar gyfer cyflwyno’r wobr drwy drafod gyda’r enillydd a’r noddwr, WWF.

 

Cyhoeddusrwydd

Drwy ymgeisio yn y gystadleuaeth, mae’r enillydd yn cytuno i gymryd rhan mewn deunyddiau a gweithgareddau hyrwyddol a fydd yn ofynnol gan Natur Cymru, gan gynnwys cyhoeddi’r erthygl yn Natur Cymru.

 

Gwybodaeth bellach

Os byddwch angen eglurhad ar unrhyw agwedd ar y gystadleuaeth, cysylltwch â Huw Jenkins ar huw.naturcymru@btinternet.com